EUVIMEDEUVIMED entdecken
Crossref

मेरो कक्षाकोठाको शिक्षण अभ्यास र विद्यार्थी सिकाइबीचको अन्तरसम्बन्ध : एक अटोएथ्नोग्राफी

Rajendra Kumar Shah

Journal of Janta Multiple Campus · 31.07.2026 · 5 (1) · 214-229

DOI: 10.3126/jjmc.v5i1.98002 ↗

Kurz gefasst

Fachartikel in der Zeitschrift Journal of Janta Multiple Campus, online erschienen am 31.07.2026. Verfasst von Rajendra Kumar Shah.

AbstractBibliografische AngabenZitierenVerwandte Studien

Abstract (Originalsprache)

यस अध्ययनमा मैले कक्षामा कसरी पढाएँ, विद्यार्थीहरूसँग कस्तो व्यवहार गरेँ, कक्षाकोठामा कस्तो वातावरण बनाएँ र ती कुराले विद्यार्थीहरूको सिकाइमा कस्तो असर पर्यो भन्ने कुराको गहन रूपमा खोज गरेको छु । यो लेखको मुख्य उद्देश्य मेरो शिक्षण–सिकाइको प्रकृति तथा विशेषताहरू र त्यसले विद्यार्थीहरूको सिकाइमा पारेको प्रभावलाई गम्भीरतापूर्वक अध्ययन गर्नु रहेको छ । यस अध्ययनमा मैले अटोएथ्नोग्राफी विधिको प्रयोग गरेको थिएँ र म केवल शिक्षकका रूपमा मात्र नभएर एक अनुसन्धानकर्ताका रूपमा अध्ययनमा सहभागी भएको थिएँ । त्रिभुवन विश्वविद्यालयको एक क्याम्पसका स्नातकोत्तर तहको प्रथम सत्रमा अध्ययन गर्ने नौ जना विद्यार्थीहरूलाई नमूनाका रूपमा यस अध्ययनमा समावेश गरिएको थियो । मैले उनीहरूसँग पाँच हप्तासम्म कक्षाकोठामा बिताएका अनुभवलाई नजिकबाट अवलोकन गरेँ । कक्षाकोठामा विद्यार्थीहरूले कसरी सहभागिता जनाए, उनीहरूले सिकाइलाई कसरी अनुभव गरे र मैले प्रयोग गरेका शिक्षण तरिकाले उनीहरूलाई कस्तो प्रभाव पर्यो भन्ने कुरा बुझ्ने प्रयास गरेको थिएँ । मैले विद्यार्थीहरूसँग समूहमा बसेर अन्तर्वार्ता पनि लिएँ र उनीहरूले लेखेका जर्नलहरू पनि सङ्कलन गरेँ । यसका साथै कक्षाकोठाका गतिविधिहरूको भिडियो पनि रेकर्ड गरेँ । त्यसपछि ती सबै सामग्रीहरूलाई लिखित रूपमा तयार गरी ध्यानपूर्वक अध्ययन गरेँ । सामग्रीलाई बारम्बार पढेर कक्षामा देखिएका व्यवहार, सिकाइका तरिका र अनुभवहरू बुझ्ने प्रयास गरेँ । यस प्रक्रियाबाट केही महत्त्वपूर्ण पक्षहरू स्पष्ट रूपमा देखिए र मैले अध्ययनका क्रममा मेरो शिक्षणमा केही महत्त्वपूर्ण विशेषताहरू पहिचान गरेँ । कक्षाकोठामा कडा र औपचारिक वातावरणभन्दा सहज र खुला वातावरण निर्माण गर्ने प्रयास गरेको थिएँ, जसले विद्यार्थीहरूलाई नडराई अभिव्यक्ति दिन सहयोग गर्यो । आत्मीय व्यवहारका कारण उनीहरूले कक्षामा सहज महसुस गरे । यस अध्ययनले शिक्षकको व्यवहार, शिक्षण प्रस्तुत गर्ने तरिका र कक्षाकोठाको वातावरणले विद्यार्थीहरूको सिकाइमा प्रत्यक्ष प्रभाव पार्ने कुरा स्पष्ट गर्दै सक्रिय, सहयोगी र आत्मीय शिक्षक तथा सहज वातावरणले विद्यार्थीहरूको सहभागिता र सिकाइलाई प्रभावकारी बनाउँछ भन्ने निष्कर्ष निकालेको छ ।

Zitieren

APA

Shah, R. K. (2026). मेरो कक्षाकोठाको शिक्षण अभ्यास र विद्यार्थी सिकाइबीचको अन्तरसम्बन्ध : एक अटोएथ्नोग्राफी. Journal of Janta Multiple Campus, 5(1), 214-229. https://doi.org/10.3126/jjmc.v5i1.98002

Vancouver

Shah RK. मेरो कक्षाकोठाको शिक्षण अभ्यास र विद्यार्थी सिकाइबीचको अन्तरसम्बन्ध : एक अटोएथ्नोग्राफी. Journal of Janta Multiple Campus. 2026;5(1):214-229. doi:10.3126/jjmc.v5i1.98002

BibTeX
@article{Shah2026,
  author = {Shah, Rajendra Kumar},
  title = {मेरो कक्षाकोठाको शिक्षण अभ्यास र विद्यार्थी सिकाइबीचको अन्तरसम्बन्ध : एक अटोएथ्नोग्राफी},
  journal = {Journal of Janta Multiple Campus},
  year = {2026},
  volume = {5},
  number = {1},
  pages = {214--229},
  doi = {10.3126/jjmc.v5i1.98002}
}
Kostenlos starten →